As dificultades na discriminación auditiva dos sons como consecuencia dunha mala articulación convértense nun aspecto importante no desenvolvemento da linguaxe e, especialmente, na adquisición e consolidación do sistema fonolóxico.
Diferenciemos estes dous termos:
1. Dificultades articulatorias: afectan á produción correcta de determinados fonemas. Por exemplo, no sigmatismo, o neno ou a nena presenta unha alteración na articulación do son /s/.
2. Dificultades de discriminación auditiva: afectan á capacidade para percibir e diferenciar dous sons fonológicamente distintos.
Deste xeito imos ver a relación entre articulación e discriminación auditiva:
Cando un neno ou nene presenta unha determinada alteración na articulación, pode existir unha relación entre a representación auditiva que ten dun fonema e a forma en que o vai a producir oralmente.
Por exemplo, no alumnado con sigmatismo (dificultades na artulación do fonema /s/)
- Pode producir o fonema /s/ de xeito distorsionado.
- Poden darse dificultades para identificar se a súa produción oral é correcta ou incorrecta.
- No recoñece con facilidade a diferenza entre a súa propia produción e o modelo articulatorio axeitado.
- Pode presentar dificultades para discriminar auditivamente o son correcto fronte a outros sons próximos.
Deste xeito, é importante sinalar que unha mala articulación non conleva necesariamente unha dificultade de discriminación auditiva. Un neno ou unha nena pode percibir e diferenciar correctamente os sons, aínda que non sexa quen de producilos correctamente debido a dificultades motoras ou articulatorias.
