Os síntomas do Trastorno da Linguaxe poden variar dunha persoa a outra, e a gravidade dos síntomas tamén pode diferir:
Atraso no desenvolvemento da linguaxe. Poden ter dificultades para alcanzar os fitos lingüísticos esperados, como a aparición das primeiras palabras ou a formación de oracións completas.
Dificultades na comprensión da linguaxe. Poden ter dificultades para seguir instrucións, responder a preguntas ou comprender conceptos abstractos. Tamén poden ter dificultades para entender o significado das palabras en diferentes contextos.
Dificultades na expresión oral. O vocabulario é limitado e presetnan dificultades para atopar as palabras adecuadas para expresar os seus pensamentos. Tamén poden ter problemas para estruturar oracións gramaticalmente correctas e poden presentar erros na pronuncia de certos sons.
Problemas na articulación e a fluidez. Algúns nenos poden ter problemas na articulación dos sons do fala, o que pode afectar a claridade da súa fala. Tamén poden presentar dificultades na fluidez do fala, como repeticións, bloqueos ou pausas prolongadas.
É importante ter en conta que estes síntomas son indicativos do TEL cando persisten máis aló do esperado para a idade e o nivel de desenvolvemento dos/as nenos/as.
En moitos casos, os nenos e as nenas con TEL poden beneficiarse de apoio adicional na contorna educativa. Isto pode incluír adaptacións curriculares, programas de intervención especializados por partes dos mestres e das mestras de audición e linguaxe , apoio na aula e estratexias de ensino individualizadas para satisfacer as necesidades específicas do neno.
Os/as menores poden experimentar frustración, baixa autoestima e dificultades nas interaccións sociais. Por tanto, brindarlles apoio emocional e oportunidades para practicar habilidades de comunicación en situacións reais será beneficioso para o seu desenvolvemento xeral.
Ligazóns de interés:
