Os mestres e mestras especialistas de Audición e Linguaxe constituímos un recurso persoal especializado de resposta á diversidade co obxectivo de que os centros educativos proporcionen unha adecuada intervención educativa preventiva e proactiva, por unha banda, no relacionado coas necesidades e barreiras derivadas das dificultades na comunicación, linguaxe e fala; e, por outra, na promoción da competencia comunicativo-lingüística de todo o alumnado.
En definitiva, entre as nosas funcións está PREVENCIÓN, DETECCIÓN, AVALIACIÓN e INTERVENCIÓN das barreiras COMUNICATIVO LINGÜÍSTICAS do alumnado e da súa contorna social e educativa.
