Despois dun curso cheo de retos, descubrimentos e momentos compartidos, chega o verán coa súa luz, a súa calma e a súa promesa de novas aventuras.
Foi un ano no que, desde o departamento de audición e linguaxe, crecemos xunt@s, aprendendo a comunicarnos mellor, a expresar o que sentimos e a desfrutar do proceso de "aprender xogando".
Cada sesión foi un espazo de respecto, empatía e alegría, onde cada logro acadado brillou como un gran triunfo.
Vós puxestes o esforzo, a ilusión e as ganas; eu só acompañei o camiño.
Agora toca descansar e deixar que o verán nos encha de enerxía.
Que estes meses estean repletos de xogos, risos, descubrimentos e momentos que alimenten o corazón.
Grazas por todo.
Grazas por confiar.
Grazas por aprender comigo.
Feliz verán!!
