O QUE O MUNDO NECESITA SON - PALABRAS E MÁIS COMUNICACIÓN
venres, 27 de maio de 2022
xoves, 26 de maio de 2022
mércores, 25 de maio de 2022
luns, 23 de maio de 2022
Xogos e exercicios de ortografía para primaria
O concepto de ortografía fai referencia a todo o conxunto de normas e regras que conforman a práctica en forma de escritura dunha lingua. Saber utilizar o acento, colocar ben as comas ou puntos e aparte, distinguir entre “ b” e “v”, entre por que e porqué, ou saber cales son aquelas palabras que se escriben con “h”, son algunhas das características idiomáticas que se aprenden cos exercicios de ortografía.
Neste sentido, as actividades de ortografía son absolutamente necesarias cando se trata de traballar con nenos e nenas de temperá idade, xa que estes axudaranlles a aprender de que forma constrúese o noso idioma e como debemos reflectilo á hora de expresarnos por escrito. Ben é certo que estudar as regras da ortografía de maneira estritamente académica, é un sistema pouco recomendado para @s máis pequen@s, xa que corre o risco de converterse en algo absolutamente tedioso, lineal e repetitivo para eles e elas.
xoves, 12 de maio de 2022
Orientación temporal
A orientación temporal é a capacidade de localizar mentalmente feitos ou situacións en distintos tempos situándoos cronoloxicamente.
É necesario traballar e mellorar a atención, o uso de diferentes fontes de información, a memoria e a percepción.
Sen ter adquirida a orientación espacial e a orientación temporal non é posible a aprendizaxe da lectoescritura: ambas permitennos entender e manexar os códigos escritos, as letras e os números.
Lateralidade
A “lateralidade” ou “ lateralización”, queda definida ao redor dos cinco anos de idade: se é claramente de dominio dereito, falamos de persoas destras, e se é claramente de dominio esquerdo, falamos de persoas zurdas. Ter unha lateralidade homoxénea ou homolateral (ser destro ou zurdo) é o que nos permite un desenvolvemento neurofisiológico, mental e emocional de acordo ao noso cociente intelectual e emocional real.
Debido a que a definición da lateralidade no noso sistema nervioso afecta á organización das funcións superiores como a linguaxe, a capacidade lóxica e a aprendizaxe das matemáticas, a comprensión, a concentración, a percepción espazo-temporal, etc., esta lateralidade cruzada ou heteroxénea repercute na capacidade psicomotora e, por tanto, no rendemento cognitivo e no benestar emocional.
