Posibles causas dun desfase da linguaxe nun neno ou nena:
Podería ser debido a un problema auditivo, por iso é necesario descartar esta posibilidade. Hoxe en día xa se realiza unha proba auditiva aos poucos días do nacemento, na cal se poden detectar posibles alteracións na audición. Inda así, si observamos que non atende ao nome cando non está de cara, non se xira ou reacciona ante un ruído próximo... podería ser indicio dalgún tipo de perda auditiva.
A existencia dun desfase da linguaxe e tamén no ámbito neurolóxico e psicomotor. Se existe un desfase no neurodesenvolvemento, entón verase afectado con case total probabilidade a linguaxe oral.
Uso excesivo de pantallas ben sexan de móbil, tabletas, ordenadores... Fan que poida darse un desfase da linguaxe debido a que non se estimulan as conexións da linguaxe nin da socialización (non hai retroalimentación). Os estudos recentes dinnos que non debemos dar estes aparellos @s nen@s menores de 3 anos.
Inicio tardío da linguaxe debido a trastornos da linguaxe. Pode darse un nivel de desenvolvemento normal, sen problemas auditivos, con intención comunicativa... pero que non son quen de falar. Atoparémonos con diferentes tipos: desde os falantes tardíos que cunha intervención temperá acadarán a linguaxe oral axiña, a aqueles que teñen un trastorno da linguaxe (TEL).
Relacionado co TEA. Que un neno ou nena non fale, non é sinónimo de ter un trastorno do espectro do autismo. Lembremos que o TEA ten dúas características básicas: falta de interacción social (non ten interese en comunicarse cos demais, non ten xogo social, nin mira cando o chamas, non te mira ós ollos...) e intereses restrinxidos e condutas estereotipadas e repetitivas.
Ningún comentario:
Publicar un comentario