Xogamos?

pasapalabra de repaso

Repasamos...

Opuestos

Xogamos a....

Pasapalabra de sinónimos y antónimos.

Praxias divertidas (MOL-NV)

Neste vídeo podedes ver a entrada  "praxias divertidas" compartidas a modo de cartas.

Ocorre ás veces que, cando os nenos e as nenas teñeb problemas para articular correctamente un son, dinnos que é porque non realiza correctamente as  praxias. Iso está moi ben pero…, que son as  praxias?. As  praxias son os movementos organizados, de maior ou menor dificultade, que se fan para alcanzar un obxectivo (neste caso, pronunciar correctamente as diferentes fonemas).

Adiviña

"Adiviña" é un dicionario básico do español en formato audiovisual con definicións achegadas por nenos e nenas españois. Creado co fin de fomentar a aprendizaxe do idioma cunha metodoloxía na que prima o entretemento.

Ligazón de acceso

Repasamos a ortografía

A importancia da correcta escritura en nenos e nenas de Educación Primaria é fundamental para unha axeitada expresión escrita, polo que é un arduo labor. Con todo é necesario que se vaian formando con algúns conceptos claro, por iso comparto este material en PDF que contén mais de 290 ditados, para que repasedes nalgún momento destas vacacións.

Preme aquí para descargar

Actividades de repaso Lingua Castelá

Neste apartado tedes estes  fantásticos xogos para repasar a área de Lingua Castelá.

Pica para entrar

Cadernos pequenos de repaso descargables para todos os cursos de Educación Primaria

A editorial "A Calesa" fixo un compendio de páxinas, contidos e exercicios especialmente interesantes das súas coleccións de Educación Primaria e Secundaria, referentes a ortografía, lectura comprensiva.... Organizounos todo nuns fantásticos cadernos de repaso e tarefas clasificados por cursos e puxéronos de forma gratuíta ao dispor de todos/as os/as docentes, familias e nenos e nenas en xeral.

Preme para acceder

Xogos de mesa para aprender ortografía e vocabulario

Agora, nesta etapa de vacacións, achegareivos  deferentes ligazóns para dar ideas de posibilidades de traballo no verán. Uns minutos semanais de repaso e reforzo sempre son positivos.

A través de cartas, sopas de letras e fichas o alumnado pode practicar as regras xerais de ortografía e utilizar a linguaxe dunha forma adecuada.

Preme nesta ligazón para acceder

 

Actividades varias

Material para traballar a atención, a memoria, a discriminación visual, a orientación espacial, as cores e o vocabulario a partir de catro actividades baseadas nun quebracabezas dunha marca coñecida:

- Buscar os iguais.

- Identificar as cores.

- Buscar o animal parecido.

- Clasificar atendendo a un criterio.

Pica para descargar

Presentación interactiva para traballar as funcións executivas, a aprendizaxe de vocabulario e o razoamento lóxico, a partir da presentación de distintas situacións cotiás na que debemos tomar unha decisión e seleccionar o elemento que deberiamos utilizar para resolvela.

Preme para acceder

Chega o verán!!!

Mozos e mozas, familias, compañeiros e compañeiras, chegamos ao día 19 de xuño, esa data tan esperada que nos introduce nas vacacións de verán. Despois dun curso atípico polas circunstancias que vivimos nestes case cen días, agora toca descansar, coidarse e gozar moito ata o próximo 10 de setembro, data prevista para o comezo do novo curso. 

Vémonos en oitenta e dous días!!!! 

Felices vacacións!!!

Caderno pequeno de ditado con pictogramas

Material elaborado para traballar a atención, a memoria, a correcta estruturación de frases de forma oral/escrita en tres niveis diferentes.

O material consta de  pictogramas para elixir, organizados por cores:  o suxeito  (cor verde), o verbo (cor vermello) e os complementos (cor amarelo).

No nivel inicial, os  pictogramas deben colocarse na casiña correspondente de cada cor, tras oír a frase de forma oral ou picando no altofalante se traballamos de forma interactiva. No nivel medio, despois de colocar os  pictogramas, deben ordenar a frase que se atopa desordenada e no nivel avanzado escribila eles sen apoio.

Ao final do documento, anéxanse diferentes ligazóns para traballar de forma interactiva.

Preme aquí para descargar

Contos infantís que fomentan as emocións positivas

O respeto cara aos demais, a empatía, o entendemento ou o coidado das amizades pódese fomentar a través dos seguintes contos, que mostran aos nenos e ás nenas a importancia de recoñecer e xestionar as emocións positivas.

Agora que chegan as vacacións de verán, que mellor que seguir leendo un pedaciño cada día.

Ligazón ás recomendacións de lectura.

A miña localidade

Neste proxecto imos ver principalmente os comercios aparecen na nosa localidade, o que compramos e quen nolo vende, así como outros servizos que nos ofrece o lugar onde vivimos. Tamén debemos ter coidado e respectar os sinais de tráfico que nos atopemos na rúa.

Pica para xogar

Conciencia silábica - Descompoñemos palabras en sílabas

Material para traballar a conciencia silábica a partir da descomposición de palabras en  sílabas. No material, trabállanse palabras  bisílabas e  trisílabas.

Preme aquí para descargar

Mensaxe encriptada

Mensaxe encriptada para agradecervos, tanto aos alumnos e alumnas, como ás vosas familias, o traballo e esforzo que realizáchedes, académica e persoalmente, durante esta situación derivada do  Covid-19 e desexarvos, tamén, un feliz verán. Non falta nada, o 19 de xuño, rematamos!!

Pica para acceder

Escribimos frases con palabras polisémicas

As palabras  polisémicas son aquelas palabras que teñen máis dun significado.

Nesta entrada propóñense 6 fichas para que os alumnos identifiquen a palabra  polisémica representada nos debuxos e escriba unha frase con cada un dos seus significados

Preme para descargar

Técnicas de respiración para comezar unha actividade

Material para poñer en práctica técnicas sinxelas de respiración e relaxación cos nenos e nenas. Estas técnicas son básicas antes de enfrontarse a unha tarefa curricular na aula ou a unha actividade física na sala de Psicomotricidade ou o ximnasio.

Tamén podemos utilizalas e incluílas como recurso nun  recuncho da calma, do que podemos dispoñer no centro ou en casa.

Preme para acceder

Crucigramas. Xogamos cas palabras

Esta actividade tamén é para os máis pequenos que se inician na lectura. Hai moitas maneiras de iniciar aos nenos na  lectoescritura e xogando é sen dúbida a mellor maneira. Estas 7 sopas de letras perseguen ese obxectivo aprender xogando.

Ligazón de descarga

Fichas comprensión lectora de palabras e frases

Estas fichas son ideais para traballar a comprensión lectora de palabras, en etapas de iniciación á lectura. O alumnado terá que  colorear o recadro onde pon se, se atopa o obxecto na imaxe ou non se non o atopa.

Preme aquí para descargar

Damos un salto e pasamos á comprensión lectora de frases, pensado para alumnos/as máis avanzados na lectura. Nesta actividade o alumnado terá que ver observar a imaxe e decidir se a oración é verdadeira ou falsa. Subliñaranse as oracións verdadeiras.

Non importa tanto nesta tarefa se realmente é certo ou non, senón a análise da oración, a comprensión dela e a xustificación que o alumno poida dar á súa decisión.

Preme para descargar

Vídeos para traballar a expresión oral e escrita

Propoño estes vídeos non verbais para traballar a expresión oral e escrita con alumnos/as con  TEA ou calquera alumnado con dificultades  de expresión oral, organización no discurso, anticipación… sempre ca guía dunha persoa adulta.

Iniciamos o vídeo, previamente visualizado, e ímolo parándo nos puntos que consideremos máis importantes para que fagan unha predición do que pode suceder, despois dunha rolda de predicións continuamos o vídeo e vemos que pasou e se foi capaz de predecir xusto o que estaba a pasar no vídeo. Seguimos así durante todo o vídeo ata o final. Falamos constantemente de como senten, expresións faciais, emocións que nos veñen á cabeza vendo o vídeo, vocabulario…

Despois facemos a expresión escrita do vídeo contando o contido.

Exercicios de praxias (MOL-NV), respiración e sopro

Versión longa e actualizada dos exercicios de  praxias faciais, que ademais inclúe exercicios de  contrarresistencia  lingual e aguante de peso simple  labial.  

Exercicios de  respiracion e de sopro. Aprender a respirar correctamente. Relaxación

Xogo online: lectura + memoria + comprensión

Xogo  online para traballar a memoria de traballo e a comprensión lectora. 

Neste xogo o alumnado terá que ler  comprensivamente a oración, reter a información e despois localizar a información que leu na imaxe da seguinte diapositiva. 

O xogo consta de 10 oracións sinxelas.

Para xogar fa  clic na ligazón e posteriormente pulsa INICIAR PRESENTACIÓN

Preme para acceder

TEA - A metáfora do vaso da auga

Hoxe quero compartir coas nais, pais, avoas, avós, irmáns, irmás,... mestres, mestras... esta metáfora para comprender a relación entre ansiedade, autismo e conduta.

Ligazón á metáfora

Día mundial dos Océanos - Quen vive no mar?

Material con diferentes actividades con pictogramas de Arasaac (número-cantidade, cálculo, atención e  lectoescritura) para traballar o Día mundial dos Océanos,  hoxe, día 8 de Xuño,  día establecido pola ONU para a súa celebración.

Preme para descargar

Material TEACCH - Soan igual

Material  manipulativo para traballar a conciencia  fonolóxica emparellando as palabras que rima e asentando as bases para a  prelectura.

Pica neste ligazón

Conto TEACCH - Quen anda aí?

Conto  manipulativo tipo TEACCH no que os nenos e nenas terán que identificar os sons dos diferentes animais e colocar a estes no seu lugar correspondente, empregando como eixo condutor a bruxa  Catuxa, unha bruxa, que enfadada por non poder ver unha paisaxe que lle tapa unha gata, lanza un feitizo aos animais facendo que estes desaparezan.

Preme para acceder ao conto

Ligazón videoconto

Ortografía interactiva

Xogo para repasar regras ortográficas, ideal para cursos superiores de Educación Primaria.

Preme aquí para xogar.

Sinfóns e sílabas mixtas

Nesta actividade traballaremos de forma exhaustiva a discriminación de  sinfóns e  sílabas mixtas de forma oral e escrita. Entre as actividades incluídas, destacan:

- Exercicios de clasificar entre  sinfones / l/ e / r/, entre  sílabas mixtas e entre sinfóns e  sílabas mixtas.

- Quebracabezas que conteñen imaxes con  sinfóns e  sílabas mixtas.

- Xogos de memoria.

- Identificación de  sinfóns e sílabas mixtas.

- Crucigramas con definicións e imaxes para adiviñar a palabra.

- Localización de palabras escritas erroneamente en textos e posterior corrección.

- Completar oracións coas palabras máis axeitadas.

- Escritura de palabras a partir de imaxes.

Pica para xogar

Virginia Aragón Gimenez (Autora)

Sergio Palao (Pictogramas)

Guía para a revisión de textos escritos

Documento sinxelo e moi visual,  no que se pautan os aspectos para revisar á hora de redactar, revisar e presentar un texto (ortografía, maiúsculas, redacción, puntuación,...). Está destinado para o alumnado de final da Etapa de Primaria que se está preparando para iniciar a Etapa de Secundaria o vindeiro curso.

Pica para descargar

Actividades de comprensión lectora

Compártovos agora a versión máis sinxela deste modelo de actividades, dirixido a primeiro de primaria ou como ferramenta para traballar con alumnos e alumnas con dificultades de comprensión lectora. Neste caso o/a alumno/a pode apoiarse na imaxe para atopar de forma máis sinxela a correcta organización das palabras para compoñer a frase con sentido.

Preme para descargar

Como vimos noutras ocasións, as  inferencias son un dos recursos que máis utilizamos neste blogue para traballar a comprensión lectora. Normalmente utilizamos frases para traballar as  inferencias; nesta ocasión, complicamos algo a tarefa e imos utilizar textos curtos. A partir da información comprendida nestes textos os alumnos deben pescudar a que fai referencia e responder á pregunta que se expón.

Preme para descargar fichas de inferencias

TDAH - Actividades de mellora

Actividades para a mellora da atención e o rendemento nas actividades instrumentais. Cursos superiores de Educación Primaria.

Preme para xogar

Historia social - Evitar o contaxio por Coronavirus ao chegar a casa

Historia social adaptada con  pictogramas para anticipar todo o que debemos facer para evitar o contaxio por Coronavirus.

Moito ollo!! Non é pasado, aínda é presente.

Pica aquí para ver

O monstro comesílabas

Compártovos outra actividade para traballar a  dislexia en formato interactivo.
O monstro comesílabas - O obxectivo do xogo é reforzar a conciencia  silábica en  sílaba inicial, intermedia e final. 

Preme para xogar ó monstro

Actividades de comprensión lectora

A seguinte actividade está pensada para traballar a comprensión lectora a partir da tarefa de completar frases. Nas seguintes frases falta un pronome ou  adverbio  interrogativo, o obxectivo é elixir cal das tres opcións posibles é a correcta e escribila na oración.

Preme aquí para descargar

Novamente traballamos a comprensión lectora a partir de  inferencias, é dicir, a partir de información que non vén explícita no texto; pero nesta ocasión, introducimos un novo elemento: pistas visuais. É dicir, o obxectivo da seguinte tarefa é que os nenos e as nenas sexan capaces de relacionar a partir a información que achega cada frase co debuxo correspondente. Estas pistas visuais axudan á tarefa de inferir e por tanto mellorar a lectura comprensiva.

Preme aquí para descargar

Escoita, fala e completa palabras

O obxectivo desta tarefa interactiva é traballar as habilidades metafonológicas, as cales permiten tomar conciencia de que a linguaxe oral está formada por cadeas de segmentos que configuran as palabras, as  sílabas e os  fonos. Esta conciencia, indispensable para abordar a linguaxe escrita. 

Na tarefa o/a alumno/a debe escoitar a palabra, logo unir as letras para formar esa palabra e por último pronunciar correctamente esa palabra. É necesario utilizar un explorador que che permita a opción de gravar, funciona perfectamente con  chrome. Ao pronunciar a palabra o micrófono  parpadeará durante uns segundos e despois aparecerá a palabra que pronunciaches xusto encima do micrófono.  Unha opción  interesantísima para traballar a pronuncia correcta de fonemas. 

Clica aquí

O Verán - Cadernos didácticos

Cadernos didácticos e fichas relacionadas sobre o verán para traballar a linguaxe a partir de distintos contidos e actividades: identificación, habilidades  metalingüísticas, denominación, relacións  semánticas, razoamento verbal, identificación de emocións e  lectoescritura.

Caderno didáctico 1

Caderno didáctico 2

Xogamos con verán

Campos semánticos

Conciencia fonolóxica

Material para traballar a conciencia  fonémica identificando a vogal inicial en diferentes actividades (material Arasaac)

Preme aquí para descargar

Material para traballar a conciencia  fonológica mediante a identificación de palabras que conteñen os fonemas  B-T-D,  LL-Ñ  e  S-C-Z. (material Arasaac)

Ligazóns:

Fonemas B-T-D

Fonemas LL-Ñ

Fonemas S-C-Z